مصيبه لما تعيش (البنت) بدون قيم ومبادئ

أغلب الأشخاص لما نمدحهم ونعطي رأينا فيهم نقول بإعجاب: إنسان عنده قيم ومبادى بحياته ..

وبعض الأحيان نسأل شخص بكل صرآحه: وش قيمك ومبادئك بالحيآه؟

البعض يجاوب بجرأه وحرية تامه ويعبر عن كل مافيه وبثقه وفخر ..

والبعض يسكت ويحتار بالأجابه..!!

يحس إن السؤال فاضي وماله أهميه

* فاضي لأنه يجهله من الأساس
* وماله أهميه لأنه عآيش بحريته مايحتاج لقيود هالفلسفه!!!



مابي أطول عليكم بالمقدمه راح أبدأ أشرح لكم كبر وعظم مصيبة إن الأنسان يعيش بدون قيم ومبادى ..

وأسمحوا لي على جرأتي بالطرح...


...


قبل ما أبدأ كلامي أحب أقولكم إن إحنا بالسعوديـــــــة بلد الطهاره والنقاء على قولة السايق المصري اللي بلسانه قال هالكلام لما شاف تصرفات البنات اللي يآخذهم معه يوميآ للكليــــــــــه!!

ماكان يتصور إن فيه بنات يفتقرون لهالقيم ولا كان يحس بخطورتها إلا لما لمست سمعته وطالته الأذيــــه بشغله ..

أخونا الكريم تعود يسمع القــــــرآن بالصباح لما يآخذ الطالبات وفي نهاية الدوام بعد .. عشآن مايكسب ذنب أصوات سوالف وضحك البنات الأعلى من العالي وبدون حياء.. واللي أقل تعبير قاله في هاللحظه/ إن البنت عيــــــــــب يطلع صوتها قدام شخص غريب عيــــــــــب..

تصور نفسك تشغل القرآن ويجيك صوت أنوثي يصرخ بقوة!!.
((طفي القــــــــــرآن مانبي نسمعــــــــــه))

ويعلى عليه صوت الأغآني اللي بخاطرها تنطرب عليها ومالها مزآج للقرآن..

لاتظنون إن البنت فيها (مس) لاسمح الله .. بالعكس مافيها إلا العافيـــــه .. اللي فيها إن ماعندها قيم ومبادى!!

ولاتظنون إني أبالغ وأقصد بلد غير بلد الطهاره .. بالعكس هذي شريحه خبيثه ماتمثل مجتمعنا الطآهر ..




تصور لما تكون إنسان عندك غيره على محارمك .. وماترضى إنها تطلع من البيت بدون حجابها الشرعي ..
مارآح أركز بمسألة إنها عباية كتف أو رأس .. نقاب وبرقع أو غطا خفيف ..

لأ .. تركيزي على الأكبر من كذا .. لما تشوف وحده من بنات الشريحه الخبيثه فاهمه الحضــــــــــاره غلط.. مضيعتها مع ضيآع المبادئ والقيم وضيآع العادات والتقاليد ..

يعني لما تشوف طالبــــــه لابسه الميدي تحت الركبــــه بشبر ورافعه العباية لييييين خصرها وتمشي بين الرجــــــــــال لجهة باصها ..

أعرفوا أن المبآدئ طــــــآرت ..

ولما تكون واقف بسيارتك وطفشآن من حرارة الجو وطول الأنتظار عند الأشاره ..


وتلتفت على يسارك وتلاقي يد تلوح لك من شباك الباص وتتفاجأه بإن البنت مبسوطه (يابن الحلال شوفني .. أنا بنت وعندي من الجمال مايكفيني .. بذمتك ما أعجبتك؟)


>>> هذا لسان حالها وهي مبسوطه من نفسها ..

أعرف إن المبادئ تلوح لك بالـــــودآع ..




ولما .. ولما .. ولما .........ألخ ... أشياء تشيب الرأس .. وكلما أشوف هالنماذج أنا أو غيري نسأل نفس السؤال:


وين أهلها عنهاااااا...؟؟





مستحيل يكون عادي عندهم لما بنتهم تتصــــرف تصرفات ما تتتجرأ تسويها قدام أخوانها وأبوهــا !!!!


وربي وابصم بالعشــره أن هذولا البنات اللي من اللي مآخذين حريتهم في (( البااااص)) لو عرفتوا حياتها في بيتها تلاقونها لابســـه *برقــع* من الكبت والحكــره والقيود حولها وقائمة الممنوعات ..

واللي خلاني أقول هالشي .. لما نشوف وقت نزولهم من الباص .. تسحب الطرحــه وتلبسها وتعدل نقابها وتغطي عينها .. وتلبس القفازات وتنزل رأسها بالأرض ~~~> وياباص ما دخلك شــر !!!!!

ما كأنها اللي قبل شوي اللي راميـه العباة والطرحــه ووووووطفي القرآن يالسايق وبالله ناظري بذا وش زينـه ........ ألخ ..



ما أدري ألوم الأهل اللي ما زرعوا فيها الثقه ولا عطوهــا حريتها بحدود مع المحافضــه على القيم والمبادئ اللي تفقدهــا ..؟؟
وإلا ألوم البنت نفسها اللي ماصانت نفسها وأحترمتها ولا خلتها محل أستهزاء لغيرهــا ..



مآبي أتكلم عن اللي يصير دآخل الحرم الجامعي لأن هذا من جد ممنوع وتحوم حوله شبهآت وفضايح ماتنتهي ..



كلامــي كله عن اللي يصير في باصــات البنات ...



أســرآر .. وأغلبها تتعلق بالشريحــه الدخيله على مجتمعنا ..


وأرجع وأقول/
(مصيبه لما تعيش البنت بدون قيم ومبادئ)




سؤال..

ماقد شفتوا من هالنمــاذج..؟ من اللي قدام أهلها شي ومن وراهم شي ثاني ؟؟

وبرأيكم .. هل أن القيم والمبادئ من الأســره له تأثيره على البنت..؟؟


,

,